Moin Oostfreesland!
Hier bün ik weer. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d‘ Berliner Lücht.Een um anner Maant vertell ik jo an düsse Stee in ’t Bladd, över wat ik simileren un mimereren do.
Dünner, gesunder, beter, minner, mehr, ördentliker, flietiger, stadiger, fakener, Sport, eten, slapen, schummeln, sparen, Verpuusten… Tannensied bruken. Kört vör Silvester dreiht de Minsk dör un verfallt in en Sülvstoptemerungswahn: All mutt anners. Wenn een so an ’t Backiesen steiht un mit vööl Gedüür Neeijahrskoken backt, hett een ja ok Tied, över dat egen Verhollen un dat een of anner Versehn ut de Vergangenheid to simeleren un to reselveren. Aver egaal, wo dat Resümee utfallen deit, meist is (...).
