Moin Oostfreesland!
Hier bün ik weer. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d‘ Berliner Lücht.Een um anner Maant vertell ik jo an düsse Stee in ’t Bladd, över wat ik simileren un mimereren do.
Ik krieg nich vööl Leserbreven up disse Kolumne. Toeerst hett mi dat verunsekert, wiel ik heel nich wuss, of de Minsken sük dat hier dörlesen. Würren se villicht sogaar so rechtschapen in de Text indükern of de Siet eenfach umbladern, wiel se dat nich interesseert. Amenn hebbt se en lüttje Probleem daarmit, dat oostfreeske Plattdüütsk to lesen. Dat hett mien keen Ruh laten. Nümms hett wat seggt un dat was, as ik hier anfungen hebb, jo van dat to vertellen, wat mi up dat Hart liggt un up de Seel (...).
