Moin Oostfreesland!
Hier bün ik weer. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d‘ Berliner Lücht. Een um anner Maant vertell ik jo an düsse Stee in ’t Bladd, över wat ik simileren un mimereren do.
Moin, ik bün Annie un ik worr wahrschienelk blind.“ Dat sünd de eersten Woorden, de ik in mien neje Reportage an Anfang in de Kamera segg. Wennehr dat so wiet is un of dat am Enn ok so passeert, dat weten ik un ok miene Dokters nich genau. Ik hebb siet 27 Johr Diabetes un hebb vör een Jahr de Diagnose „Diabetische proliferative Retinopathie“ kregen. Sietdeem hebb ik 20 Laser-OPs hatt. In de Reportage proot ik mit Minsken, de binnenhalv van hör Leven blind worden sünd un gah de Fraag up de Grund, (...).
