Moin Oostfreesland!
Hier bün ik weer. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d‘ Berliner Lücht.Een um anner Maant vertell ik jo an düsse Stee in ’t Bladd, över wat ik simileren un mimereren do.
Ick hebb en Namensvedderske:: Oma Anni. Jo, bi hör fehlt daar noch en „e“ an ’t Enn van d‘ Naam, daarmit wi so akkeraat Namensvedderskes sünd, man dat weer Krinthenkackeree. Oma Anni is över tweemaal so old as ik un wiel Fredag Plattdag is, is se elke Fredag mit de heel Plattdüütsk-Community online bi Instagram mit Plattaktivist*innen, so as Yared Dibaba, anner Minsken ut Kunst un Kultuur un engageert Privaatlüü van Oostfreesland över Falkenbörg un Garrel bi Cloppenbörg bit na Spanien. Un daar word (...).
