Moin Oostfreesland!
Hier bün ik weer. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d‘ Berliner Lücht.Een um anner Maant vertell ik jo an düsse Stee in ’t Bladd, över wat ik simileren un mimereren do.
Ik maak een Maal in d‘ Maand mit de Minsken, de mi so up Facebook un Instagram folgen doon, en so benöömt „Q&A“. Dat steiht kört vör dat engelsche „Question and Answer“. De Minsken köönt mi also wat fragen un ik maak denn en Video daarto mit de Antwoorden. Daar kummen echt spannend Fragen bi rum. Nich blot na mien leevst Deer, Farv of Eten, man even ok sükse as disse: „Annie, wenn du dree Millionen Euro winnen würrst, wat würrst du daarmit maken?“ Dat is doch en gooden Fraag. Ik wüss, wenn een mi (...).
