Moin Oostfreesland!
Hier bün ik. Annie Heger, Fehntjer Wicht mit Wuddels in Spetzerfehn, en Hart för Ollnbörg un de Nöös intüsken in d’ Berliner Lücht. Wi hebbt hier nu fakerder dat Pläseer. In disse Utgaav van ’t Magazin geev ik mien Instand. Un in disse eerste Bidrag will ik noch een Maal dat Woord Corona fallen laten, achteran kann man sük aver hier up en coronafreei Zoon freien.
Hier bün ik: Annie Heger. Foto: Jan Jagusch ©
Dat weer wahrschienelk de sinnigste Advents- un Wiehnachtstied, de wi bit hier hento beleevt hebben. Kien Adventssingen, kien Wiehnachtsmarkt mit Boßelvereen of Fieren mit de Kollegen ut d’ Büro. Dat eenzigst, wat heel genau so weer as immer: Dat gaff vööls to vööl to eten. Denn ik hebb al in d’ eerst Lockdown mien Füür för ’t Koken un Backen anstoken. Ik bün en echten „Wiehnachts-Freak“ un ik hebb so en Vermaak an all Traditionen, de wi so um dat Fest umto hebbt, dat mi dat echt stuurfallen is (...).
